DIY make up remover || اعملي بنفسك مزيل مكياج طبيعي
بس اللى مش طبيعي اننا نكتفي بغسل الوش بس لآزالة الميكب
ومن الضرورى ان يكون عند كل بنت بتستخدم الميكب بشكل يومي مزيل مناسب
طبعا مش محتاجين نتكلم عن الاضرار الناتجة عن الاستخدام المستمر للـFULL MAKE UP وان من الافضل انها تكون لمسات تجميلية مش تغطية كاملة ❤☺
انا بستخدم ميك اب بشكل شبه يومى ..
اذن انا محتاجة مزيل ميك اب مناسب
صراحة دورت كتير وسألت كتير قبل ما اشترى
وكانت ردود الناس اللى جربوا قبلى
= السعر عالى والكمية قليلة ما بتكفى
=فيه كحول وبيسبب التهابات للبشرة
= مش بيشيل مكياج العيون و الوتر برووف كويس 〷
وعشان كدا قررت الاتى ...
انا هعمل لنفسي مزيل ميك اب طبيعي فى البيت
-مش مكلف
-سهل يتجدد فى اى وقت
-بمكونات موجودة فى كل بيت
حبيت اشارككم بصورة المكونات الاصلية اللى استخدمتها
من مطبخنا ☺
زى ما الصورة موضحة
استخدمت زيت زيتون اصلى
وجلسرين نقي
ماية ورد ووايبس
وممكن تستخدموا الزيوت المتوفرة عندكم
........
الوايبس كان عندى من فترة بس
استخدمته بعد ما جف عشان الكحول
......
حطيت فى كاس صغير
معلقة من زيت الزيتون
معلقة من الجلسرين
معلقتين كبار من ماية الورد
بنقلبهم كويس عشان الزيت يتوزع في الماية
وميبقاش بقعة كبيرة
ونحطهم علي الوايبس
...........
ونتأكد ان كيس الوايبس بيتقفل كويس
عشان متنشفش بعد فترة
.........
ودى فكرة تانية بدل الوايبس ممكن نستخدم الـCOTTON PADS
ونحطه في برطمان زجاج
مميزات الـDIY MAKE UP REMOVER
- مصنوع من مكونات طبيعية بتفيد البشرة مش بتضرها ✌
- بيقدر يزيل مكياج العيون التقيل والروج المات الوتر برووف
- بيرطب البشرة جدا
................................
بس ضرورى تغسلى وشك بعد ماتشيلي الميك اب بغسول مناسب لنوع بشرتك
............
شاركونى بتجاربكم المشابهة لأزالة الميك اب فى الكومنتات
دمتم بخير ❤
تعليقات
إرسال تعليق